الشقة نص تشطيب: أنسب وقت للتصميم
أغلب الوحدات في مصر تُستلم نص تشطيب أو على المحارة، والمالك هو اللي يقرر مستوى التشطيب: لوكس أو سوبر لوكس أو ألترا سوبر لوكس. قبل ما يبدأ السباك والكهربائي، لازم تعرف مكان كل حاجة: السراير والتلفزيون والمطبخ والتكييفات، لأنها اللي بتحدد أماكن البرايز والإنارة والمواسير.
النموذج ثلاثي الأبعاد بيوضح ده كله قبل ما تتحول القرارات لتكسير وإعادة شغل.
أسماء الغرف كما تُكتب في المخططات المصرية
الاستوديو بيتعرف على نوع الغرفة من الاسم المكتوب جواها في المخطط، ويؤثثها على هذا الأساس. أغلب الأسماء المصرية مفهومة مباشرة:
- "نوم" و"أوضة نوم" وMaster: غرفة نوم.
- "سفرة": غرفة طعام، و"مطبخ" و"حمام" كما هي.
- "تراس" و"بلكونة": مساحة خارجية تُحسب أرضياتها فقط.
- "استقبال" أو "صالة" أو Reception: مساحة معيشة.
كلمة "ريسبشن" مكتوبة بالحروف العربية لا يتعرف عليها الاستوديو تلقائياً؛ اكتبها "استقبال" أو Reception، أو غيّر نوع الغرفة بعد الرفع.
دوبلكس وروف وبنتهاوس وفيلا
- الدوبلكس: ارفع كل دور كملف DXF مستقل، وراجع مكان السلم الداخلي في الدورين.
- الروف والبنتهاوس: اكتب "تراس" على الجزء المكشوف من الروف في المخطط، فتظهر أرضياته منفصلة عن الغرف المسقوفة وبدون دهان أو أسقف.
- التاون هاوس والتوين هاوس والفيلا المستقلة في الكمبوندات: كل دور مسقط مستقل، والواجهات والحدائق ضمن الباقة المتكاملة من فريقنا.
كميات التشطيب بلغة المقاول
من جدول الكميات في الاستوديو تعرف مساحة أرضيات كل غرفة مع 10% هدر (سيراميك أو بورسلين)، ومساحة الدهانات بعد طرح الأبواب والشبابيك، وسيراميك حوائط الحمامات والمطبخ، ومساحة الأسقف للجبس بورد، والوزر بالمتر الطولي.
نزّل الجدول CSV واطلب من كل مقاول سعر المتر لكل بند، وقارن العروض على نفس الكميات. خلي بالك إن الأرقام تقديرية، والقياس النهائي بيكون في الموقع.
الأسعار والدفع من مصر
الاستوديو ونموذج 3D والكميات مجانية. باقات الفريق أسعارها بالريال السعودي قبل الضريبة: الباقة السريعة 249 ريال، والتصميم الداخلي 35 ريال للمتر المربع بحد أدنى 2,500 ريال. الدفع الأونلاين بالبطاقة البنكية، ولو عندك أي استفسار عن الدفع كلمنا على واتساب.